لما تكون في رحلة كل متعتك فيها معتمدة على رجلك يبقى لازم تحافظ عليها..
خطوات الحفاظ على رجلك أثناء الهايكنج
- أختار الكوتش بتاع الهايكنج أكبر نمرة من مقاسك العادى وابعد عن الشراء الاونلاين بقدر المستطاع عشان تقدر تجرب الشوز وتبقى متاكد انك مرتاح فيه.
- لازم تدرب نفسك على المشى والهايكنج دا هيساعدك فى انك تقوى عضلاتك وتحسن التنفس وتقوى رجلك بشكل عام وتستخدم فيها الشوز الجديد لمسافات قصيرة كذا مرة قبل اى هايك طويل.
- أمشى حافى من وقت للتانى على قد ما تقدر علشان تقوي جلد الرجل.
- قص أظافر رجلك قبل اى هايك ويكون القص بطريقة صحيحة.
- ألبس شرابين فوق بعض الاول يكون خفيف وماسك على الرجل عشان يقلل الاحتكاك
- وممكن تلبس الشراب بالمقلوب علشان تكون الطبقة الخارجية اللى مفيش فيها خياطة هيا اللى بتحتك بالرجل والاظافر.
- والشراب التانى فوقه يكون صوف او خليط ومش لازم حاجة غالية ممكن صوف صناعي
- والشراب دا هيخلى الاحتكاك مع الكوتش بعيد عن رجلك وبلاش القطن خالص علشان بيشرب العرق وهيخلى رجلك مرطبة وبينشف ببطئ.
- ممكن مع الاحتياطات اللى فوق دى برضو تلاقى hot spot أماكن فى رجلك بدأت تسخن
- ودا دليل على انك داخل على blister محتمل (فقاقيع مياه تحت الجلد)
- في الوقت دا لازم تقف وتخلع الشوز والشراب وتمسح رجلك وتغير الشراب
- لو أمكن وتحط الـ silk plast وتلبس الشراب الجديد او تنشف القديم لو عندك وقت وساعتها مفيش حاجة هتحصل لرجلك.
- من وقت للتانى مع كل ريست تقلع الكوتش والشراب وتهوي رجلك كويس.
وبس كده بتمنالك هايكنج ممتع..
أقرأ ايضاً:
