من أهم النصايح للآمان والسلامة هي التخطيط الجيد، وهو عبارة عن التخطيط للمعاد ومكان التخييم والموقع سواء شاطئ أو جبال أو غابة، وبناء عليه بنجهز الأدوات المناسبة لرحلتنا.
أهم 7 نصايح لتوفير الآمان والسلامة في الرحلات
- أختار المكان بحرص وعناية
عشان تستمتع برحلتك من المهم جدا تختار المكان المناسب، وتتأكد من سلامته وأمانه.
- اتأكد من عدة التخييم
لو إتأكدت ان المكان والموقع آمن بنسبه كبيرة، ومفيهوش أي نوع من المخاطر، يبقى لازم تتأكد من العدة اللي معاك، وانها فيها كل حاجة هتحتاجها، وبجودة عالية، الجودة مهمة جدا لأنها بتحميك من التقلبات الجوية ومن أي ظروف ممكن تمر بيها ومتكونش مرتبلها او عامل حسابها.
- جهز خيمتك فالنهار
لما توصل لمكان التخييم اللي اختارته أول وأهم حاجه تعملها انك تنصب خيمتك في النهار، لان فالوقت ده هتتأكد من ان مكان التخييم مفهوش مخاطر والخيمة منصوبة بطريقة صح.
- متنصبش خيمتك تحت شجر
لما تيجي تنصب خيمتك أبعد خالص عن اي مكان فيه شجر؛ لان التخييم تحت الشجر بيخليك معرض لوقوع الاغصان والحشرات على خيمتك.
- أنصب خيمتك عكس اتجاه الرياح
لو كان في رحلتك مرشد هتلاقيه بيكرر أهمية نصب الخيم عكس اتجاه الرياح، وده لسلامتك؛ لان الخطوة دي هتمكنك من البعد عن اي دخان، ولازم تتأكد من قفل خيمتك كويس عشان متدخلش الحشرات.
- خد معاك شنطة الإسعافات الأولية
من أهم الحاجات اللي لازم تكون معاك، وهو صندوق فيه كل حاجه هتحتاجها في الرعاية الصحية الأولية لو اتعرضت لأي إصابة او مخاطر.
- خد معاك عدة التخييم
ودي بيبقى فيها:
– عدة الطوارئ
– كريمات الوقاية من الشمس ولدغات الحشرات.
– خيمة بجودة عالية.
– كشافات مش بتحتاج لشحن كتير.
– كيس نوم دافي.
– مواد غذائية معلبة.
– أدوات إشعال.
ودي كانت أهم النصايح الي هتضمنلك سلامتك أثناء رحلتك لو عايز تعرف أكتر عن التخييم من هنا: