ايه يخلي إنسان عاقل يسيب كل رفاهيات حياته يروح يقعد في الصحراء؟!
هو اه وارد يكون مجنون لكن كمان ممكن يكون بيدور على تجربة جديدة او عايز يفصل من دوشة حياته او بيدور على السعادة مثلاً.
امتى آخر مرة بعدت عن اشعارات السوشيال ميديا وقفلت موبايلك وقررت تقضي وقت مع نفسك وبس!
فوائد التخييم في الصحراء
التخييم مش مجرد رحلة، التخييم تجربة بترجعلك هدوئك وسلامك النفسي وبترجع زي اللي لسه مولود جديد..
سواء كنت طالب أو موظف، أب أو أم، أيا كان روتين يومك فانت ضروري تجرب التخييم…
أغلبنا عنده مشاكل صحية سواء كان عنده وعي بيها أو لأ، زي نقص فيتامينات معينة أو سوء هضم أو مشاكل في المناعة
وده بدوره بيأثر علي عمرنا وحياتنا على المدى الطويل وحالتنا النفسية على المدى القصير..
هواء الطبيعة النقي مش بس بينقي رئتيك وجهازك التنفسي ده كمان بيزود هرمون الدوبامين اللي بيتحكم في حالتك المزاجية،
لفحة الهواء اللي بتلمس وشك وتنفسك العميق بيملى روحك بالسكينة والهدوء.
شمس التخييم مش زي شمس المدينة لأنك هتاخد فيتامين د منها بأعلى جودة
واللي بدوره هيسمح لجسمك أنه يستفيد من الكالسيوم والفسفور الي بيساعدنا ف تقوية الأسنان والعظم وبيمنع السرطان وبيحسن المناعة كمان.
ده بالإضافة للدعم النفسي اللي بتقدمهولك الصحراء..
الضغط المستمر والروتين المتكرر قادرين يغيروا شخصيتك 180 درجة وبتبقى أشبه بالقنبلة الموقوتة اللي ممكن تنفجر في أي لحظة
ده غير إنك بتبقى مُعرض للإصابة بأي مرض نفسي في أي لحظة؛ لأن حتى مناعتك النفسية بتبقى ضعيفة
وهنا بييجي دور التخييم عشان يفصلك عن كل زحمة حياتك ودوشة أفكارك ويخليك تفصل عن كل مثيرات حياتك وتاخد هُدنة.
الناس اللي الحياة أجبرتهم ان الصحراء تكون موطنهم الأساسي هتلاقي سمات شخصيتهم مختلفة تماماً عن شخصيتنا، مش هتلاقي مثلاً مريض نفسي عنده وسواس قهري ولا قلق إجتماعي او حتى فوبيا..
كل الناس اللي خاضت تجربة التخييم حسوا بالفرق الشاسع بين نفسيتهم قبل وبعد الرحلة، ده غير النظريات النفسية اللي بتشوف إن كل ضغوطاتنا النفسية سببها حياة المدينة والضوضاء والإيقاع السريع للحياة اللي بيخليك معندكش رفاهية إنك تاخد فرصة للاسترخاء والتأمل.. وعشان كده التخييم بيكون هو المخرج من كل الضغوطات دي والراحة والسكينة النفسية والجسدية..
الهدوء، اختلاطك بناس جديدة، دخولك تجارب مختلفة واكتسابك لمهارات نادرة ومتميزة بيكونوا جزء لا يتجزأ من أسباب سعادتك بعد رحلة التخييم.
رحلات التخييم هي التجربة اللي بتاخدك من زحمة الحياة لهدوء الطبيعة.
من الآخر لو مكنتش جربت التخييم فأنت ناقصك كتيير!