أدوات التخييم الأساسية
التخييم بالنسبة لناس كتير هو الهروب البسيط اللي بيرجع الروح… نار مولّعة في مكان هادي، هوا نضيف، منظر نجوم يشيلك من العالم كله، وريحة شوي مابتتكررّش.
بس علشان الرحلة تبقى ممتعة وسهلة، تجهيز الأدوات الصح هو السرّ الحقيقي.
أهم أدوات التخييم اللي لازم تكون معاك
هتلاقي ركن التخييم كله هنا بالأدوات اللي ممكن تحتاجها
1) شنطة الظهر
دي الأساس.
الأفضل تختار Tactical أو Backpack فيها جيوب كتير وهوكات تعلّق عليها حاجاتك علشان توفر مساحة جوّه الشنطة.
وخلّي بالك… الشنطة المريحة بتفرق في كل خطوة.
لو بتدور علي شنط مناسبة بص هنا
2) ملابس الترحال
حسب الفصل اللي مسافر فيه، بس في العموم لازم يكون لبسك:
مريح وخفيف.
فيه طبقات لو الجو بيبرّد بالليل.
معاها كاب أو أي حاجة تحمي راسك من الشمس.
والأهم:
ما تجربش كوتشي جديد لأول مرة في الرحلة… خد اللي رجلك متعودة عليه. ولو أول تجربة ليك في هايك، البس شرابين فوق بعض علشان رجلك ماتحتكّش بالكوتشي.
3) الخيمة
اختارها على حسب عددكم…
ولو التجربة في الشتاء أو احتمالية مطر، لازم تجيب واحدة Waterproof.
هتلاقي كل الانواع هنا
4) المنامة (Sleeping Bag)
اختارها على حسب أقل درجة حرارة في المكان اللي رايح تخيم فيه.
فيه أنواع كتير، ولو محتار تقدر ترجع لدليل الاختيار من موقعنا.
هتلاقيهم كلهم هنا
5) المياه
قربة مياه من 2 لـ 3 لتر كافية لنص يوم أو يوم حسب خطتك.
المية أهم حاجة في أي رحلة… متستهونش بيها.
بص هنا
6) أدوات الطبخ
وسهّل على نفسك وخد Multi Tool بدل مليون حاجة منفصلة.
وبرضه هتحتاج:
طقم طبخ صغير مخصص للرحلات.
موقد غاز + ولاعة أو كبريت.
طبق وكوباية بلاستيك.
برّاد أو علبة معدن للقهوة والشاي.
هتلاقي كل الادوات هنا
ريحة الشاي على النار جزء من المتعة… فلا تنساها.
أدوات فرعية بس مهمة
كشاف
أكياس زبالة
مناديل مبللة
كحول أو مطهر
صابون
واقي شمس
نضارة
شال
أدوات إضافية هتفيدك في مواقف معينة
صفارة
بوصلة
ورقة وقلم
عصاية مشب
حبل
كوريك صغير
بلطة تقطيع
باور بانك
موبايل فيه Offline Maps
حقيبة الإسعافات الأولية
دي مش رفاهية… دي أساسية خصوصًا لو رايح أماكن جبلية.
لازم تشمل:
شاش ولاصق
مطهر
مسكن بسيط
بلاستر
شريط ضد الحساسية لو بتعاني من نوع معروف
مرهم للجروح والخدوش
قفازات طبية
وجودها ممكن ينقذ موقف كامل في الرحلة.
في النهاية
التخييم تجربة جميلة بس محتاجة تجهيز… والأدوات المناسبة بتوفر عليك مجهود كبير وبتخلي كل لحظة ممتعة.
قبل ما تكمّل تحضير شنطتك، راجع لوائح المكان اللي رايح له، وخليك دايمًا جاهز لأي موقف.
رحلة موفّقة وممتعة!
أقرأ ايضاً:
