12 خطوة للتتعامل مع سكان البدو
- احترم عادات وتقاليد وطباع المكان اللي بتزوره واصحاب المكان وتلتزم بيها، وتعرف هي ايه من قبل ما تروحه.
- متتريقش على لهجتهم أو لبسهم أو طريقتهم؛ لأنهم ليهم تاريخ وعادات وتقاليد وطقوس خاصة بيهم لازم تحترمها.
- متعاملهمش بنفس معاملتك لأصحابك ولا الهزار اللي بتهزره مع أصحابك؛ لأن هما مش متعودين على الصوت العالي والهزار.
- لازم تحترم الكبير والأخلاقيات اللي مبقتش موجودة عندنا فحاول تحترمها.
- مش مسموحلك تنادي على حد فيهم بإسمه أو حتى بدلع، هما معندهمش الكلام ده.
- مينفعش خالص تستخدم معاهم أسلوب الروشنه فالكلام.. مينفعش تنده بيا برنس وياباشا وهكذا؛ لانهم أكتر ناس بتستخدم اللغة العربية وميعرفوش أي حاجة عن طرق الكلام اللي موجودة في الحضر.
- مينفعش تعاملهم بطريقة التخوين أو المادية؛ لإنهم على قد ما هما فقراء على قد ما هما كرماء جداا، وهتلاقي عندهم الأمانة والصدق وصفات تانية كتير اوي كويسة.
- مينفعش تبين انك خايف على هدومك تتوسخ لو قعدت على الأرض أو أكلت بإيدك أو هتتبهدل أو تتعامل على انك قرفان وهكذا.
- البنات والستات عندهم خط أحمر ممنوع تحاول انك تهزر معاهم او تصورهم والتصوير ممنوع إلا بإذن.
- حاول انك تاكل أكلهم وتقعد قعدتهم وتنام زيهم وتتعامل على طريقتهم.
- حاول على قد ما تقدر تتعامل زيهم ومينفعش تتمنظر عليهم؛ لأنك رايح مكان تاني ليه نظامه المختلف.
- المقاييس اللي عندهم بالنسبة للبشر مختلفة عننا فحاول بقدر الإمكان انك تاخد عليها فالفترة اللي هتقعدها معاهم.
في النهاية انت رايح تستمتع بالرحلة وتكسب خبرة جديدة وتتعلم ثقافة مختلفة فخليك مرِن وجرب تعيش كل دقيقة بتفاصيل المكان مش بقواعدك انت.
أقرأ ايضاً: