٨ خطوات تحميك من أذى الحشرات في التخييم
الحشرات زى النمل والنحل والدبان والناموس ممكن تقلبلك الرحلة فجأة… قرصة بسيطة وبتلاقي نفسك مش عارف تستمتع. علشان كده مهم جدًا تبقى مستعد من قبل ما الرحلة تبدأ.
١) خفّف الإضاءة على قد ما تقدر
معظم الحشرات بتنجذب للنور… فالأحسن تبقى الإضاءة الرئيسية بعيدة شوية عن مكان القعدة. وكمان حاول تمشي على ضوء القمر لو المكان آمن، هتتفاجئ قدّ إيه ده بيقلل الناموس حوالين المعسكر.
٢) اختار مكان التخييم بعقلك مش بعينك
ابعد عن المزروعات، الترع، والبرك… دي أكتر أماكن بتكون فيها حشرات. خصوصًا إن الناموس بيتكاثر حوالين الماية الراكدة، وده مش مجرد إزعاج… في مناطق معينة عالميًا الناموس بيبقى ناقل لأمراض، وده سبب كافي يخليك تاخد الموضوع بجدية.
٣) بصّ حوالينك قبل ما تنصب الخيمة
قبل ما تثبّت خيمتك، لفّ على الأرض… لو لقيت جحور نمل أو تجمعات حشرات، غيّر المكان فورًا. نص متر فرق ممكن يوفر عليك ليلة كاملة من اللدغات.
٤) الهدوم المناسبة نص الوقاية
الألوان الفاتحة والهدوم الطويلة بتقلل انجذاب الحشرات ليك. الغامق بيشد الناموس، والقصير بيسيب جلدك مكشوف للخطر.
٥) أوف سبراي والزيوت الطبيعية… أصحابك
Spray ضد الحشرات على المناطق المكشوفة هيقلل لدغات بنسبة كبيرة. والزيوت زي النعناع واللافندر لما تسخّنها، ريحتها بتبعد الحشرات بشكل طبيعي.
٦) غسيل الأطباق مش رفاهية
أي طبق فيه ريحة أكل = مغناطيس للحشرات. اغسله قبل وبعد الاستخدام… وخلّي مكان الطبخ بعيد عن مكان النوم قدر الإمكان.
٧) حافظ على نظافة المكان
لمّ بواقي الأكل أول بأول… واقفل أكياس القمامة كويس. النظافة هي أسرع طريقة تقلل فيها عدد الحشرات في المعسكر.
٨) شنطة الإسعافات لازم تبقى جاهزة
مراهم اللدغات، كريم مضاد للحساسية، وضمادات… دول مهمين جدًا. خصوصًا إن بعض الناس بيجي لهم رد فعل تحسسي من لدغات النحل أو الناموس أكتر من غيرهم.
أقرأ ايضاً:
