وزي ما للشمس فوايد كتيرة وكلنا تقريباً بنحب القاعدة تحت الشمس والتمشية تحتها، في نفس الوقت ليها أضرار لازم نتجنبها وناخد بالنا منها.. ولازم نعرف كويس إزاي نحمي نفسنا من أضرار أشعة الشمس اللي ممكن تسبب سرطان الجلد وشيخوخة مبكرة، وخصوصاً في رحلات التخييم والمعسكرات.
ملابس اتجنبها لحماية نفسك من أشعة الشمس
- البوليستر والنايلون بيحموا من اشعة الشمس أكتر من الألياف.
- الأنسجة الأكتر كثافة بتحمي من الآشعة أكتر من الانسجة الاكتر مرونة.
- اللبس الفاتح بيحمي من الآشعة الفوق بنفسجية أكتر من اللبس الداكن.
وأكتر فئة من المهم أنها تركز على لبسها لما تتعرض للآشعة هي:
- الأشخاص اللي بيعانوا من حساسية الشمس زي حروق الجلد و النمش بسهولة، واللي بشرتهم لونها فاتح.
- الأشخاص اللي بتعاني من تصبغ الجلد.
- الأطفال وكبار السن، الأطفال بتبقى بشرتهم رقيقة جدا وأي ضرر ليهم بيعرضهم لمشاكل ومخاطر كبيرة، وبرضو كبار السن عشان تقدم عمرهم بيبقى من السهل جدا تعرضهم لمخاطر وإصابات.
نصايح لحماية نفسك من الشمس
- اختار اللبس الواقي من اشعة الشمس الفوق بنفسجيه.
- استخدم واقي شمس بدرجة عالية واستخدمة على المناطق المكشوفة للشمس زي الوش والأيد.
- ألبس نضارة شمس بتوفر حماية عالية من الأشعة الفوق بنفسجيه.
- اختار الوقت المناسب اللي هتتعرض فيه للشمس يعني مثلاً متتعرضش للشمس في الوقت من 9 ل 3 العصر.
- حمايتك من الشمس مش بس ف الأيام اللي فيها شمس، ف الأيام اللي بيكون فيها غيوم لازم تحمي نفسك.
الخطوات دي هتحميك بطريقة صح من أشعة الشمس والأشعة الفوق بنفسجية، وهتقدر تستمتع برحلتك من غير أي ضرر بسببها.
أقرأ ايضاً:
