ازاي تتعامل مع سكان البدو في 12 خطوة بس!!
لو ناوي تزور منطقة بدوية، لازم تبقى فاهم إنك داخل عالم مختلف تمامًا.. ناس ليهم عادات راسخة، وطريقة حياة ثابتة بقالها سنين، وأكتر ناس بتحترم الضيف لو احترمهم.
12 خطوة للتعامل مع سكان البدو
1- احترم عاداتهم وتقاليدهم من قبل ما تدخل أرضهم، واقرأ شوية عن طريقة حياتهم عشان متبقاش داخل عليهم من غير ما تبقى فاهم الجو ماشي إزاي.
2- ابعد عن أي هزار على لهجتهم أو لبسهم أو طقوسهم؛ البدو بيعتزوا بطريقة حياتهم جدًا، وبيشوفوا إن اللي يتريق على عاداتهم بيهينهم قدّام نفسهم.
4- احترام الكبير عندهم حاجة أساسية، وأي تجاوز فيها ممكن يضايقهم جدًا… هما مجتمعات قائمة على الاحترام قبل أي حاجة.
5- ممنوع تمامًا تنادي أي حد باسمه أو بدلع… هما مبيستخدموش ده أصلاً، وبيعتبروه تجاوز.
6- متستخدمش أسلوب “الروشنة” في الكلام… مفيش يا باشا ويا برنس عند البدو. هما ناس بتحترم اللغة العربية وبتتكلم بوضوح وبساطة.
7- إياك تتعامل معاهم بجو شك أو تخوين… بالعكس، البدو معروفين بالأمانة والكرم، وده حقيقة اتوثقت في دراسات عن المجتمعات البدوية وإن الكرم عندهم جزء من بنيتهم الاجتماعية.
8- متبينش إنك قرفان من الأكل بإيدك أو قاعد على الأرض… هما بيشوفوا كده إن الضيف شايف نفسه أعلى، وده بيبوظ الجو كله.
9- الستات عندهم خط أحمر… مفيش هزار، مفيش كلام كتير، ومفيش تصوير غير بإذن واضح.
10- كل من أكلهم وقعد قعدتهم… العيشة وسطهم مش زيارة سياحية، هي تجربة حياة مختلفة تستحق إنك تعيشها على أصولها.
11- متتمنظرش ولا تتعالى… انت اللي رايح مكان له نظامه، ومطلوب منك تتكيّف مش تفرض أسلوبك.
12- حاول تفهم مقاييسهم للبشر… عندهم مفاهيم مختلفة عن الرجولة والكرم والسمعة، ومن أول يوم هتحس إنك محتاج شوية وقت تتعايش معاها.
في النهاية انت رايح تستمتع بالرحلة وتكسب خبرة جديدة وتتعلم ثقافة مختلفة فخليك مرِن وجرب تعيش كل دقيقة بتفاصيل المكان مش بقواعدك انت.
أقرأ ايضاً:
