...
سلة التسوق
اعمل اوردر ب 1500 جنيه و استفيد بشحن مجاني
معلومات تعرفها لأول مرة عن جبل الثبت أحد أعلى 10 قمم جبال فى مصر

معلومات تعرفها لأول مرة عن جبل الثبت أحد أعلى 10 قمم جبال فى مصر

معلومات اول مرة تعرفها عن جبل الثبت اللى يعتبر من أعلى 10 قمم جبال فى مصر

المعلومات دى احنا نقلناها عن محمود الجمل ملك الدروب.

جبل الثبت هو من مرتفعات سانت كاترين، ويعتبر واحد من أعلى 10 قمم جبال فى مصر بإرتفاع 2400 متر فوق سطح البحر.

إحداثيات الجبل هى:

N28°15’41.38″ E34°00’59.25″

الجبل يعتبر من الجبال الصعبة فى التسلق بسبب الانحدار العالى فيه، ولكن لحسن الحظ يوجد درب محدد للجبل ولكن مفيش رجوم.

أما عن الطريقة المستخدمة للتسلق فالطريقة المستخدمة هى Butterfly ultralight approach ودى انك تطلع بشنطة صغيرة وزنها من 6 ل 8 كيلو لقمة الجبل بالنهار وترجع تانى.

ومتوسط المسافة فى وقت الصعود 5 كيلو متر بعدد من 4 ل 7 ساعات،

ومتوسط المسافة وقت النزول 5 كيلومتر بعدد من 3 ل 5 ساعات.

والتحرك من القاعدة للقمة عبارة عن 80% مشى بأنحدار مرتفع، و 20% scrambling بأستخدام الإيد والرجل.

توصل للجبل إزاى؟

هتاخد عربية دفع رباعي أو نقل من مدينة سانت كاترين لوادي الطرفاء بمسافة 32 كم لمدة 3 ساعات.

بعد كده عندك مهمة صعبة عبارة عن هايكنج من وادي الطرفاء لوادى الأقصرية لمدة 6 ساعات بمسافة 14 كم، ومن وادى الأقصرية لقاعدة الجبل حوالي 6 كم بعدد ساعات بيوصل ل 4 ساعات.

أماكن توافر المياه

جبل الثبت يعتبر من الجبال اللى بيتوفر فى قاعدته بير مياه، وكمان الطريق للجبل يحتوي على ابيار مياه، وفي السطور القادمة هنستعرض أماكن وجود الابار بأحداثيتها…

  1. بير الطرفاء على بعد 4 كيلو من نقطة التحرك بإحداثيات N 28°23’33.50″ E 34°00’38.37″
  2. نقطة تجمع مياه أ بوادى الطرفاء على بعد 8 كم من نقطة التحرك بإحداثيات N 28°21’06.91″ E 34°00’12.51″
  3. نقطة تجمع مياه بوادي الطرفاء على بعد 9 كم من نقطة التحرك بإحداثيات N28°21’06.91″E34°00’8.46″.
  4. نقطة تجمع ج بوادي الطرفاء على بعد مسافة 9.4 كم من نقطة التحرك بأحداثيات N 28°21’01.15″ E 34°00’09.04″.
  5. آبار وادى الأقصرية على بعد مسافة 14 كم من نقطة التحرك. N 28°20’01.90″ E 34°00’33.21″.
  6. بير أبو عجيلة قاعدة جبل الثبت مسافة 20 كم من نقطة التحرك بأحداثيات N 28°15’38.42″ E 34°01’08.61″.

أما أفضل شهور لتسلق جبل الثبت

هم أكتوبر، ونوفمبر، وديسمبر، ومارس، وأبريل.

آخر حاجة قبل نهاية المقالة، مينفعش تطلع الجبل من غير دليل مهما كانت درجة احترافيتك وقبيلة الجبالية وقبيلة أولاد سعيد هم الوحيدين اللى هتلاقى عندهم دليل يطلع معاك للجبل، ورحلة سعيدة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Seraphinite AcceleratorOptimized by Seraphinite Accelerator
Turns on site high speed to be attractive for people and search engines.