أحلى 15 مكان للتخييم في مصر… أماكن تهرب بيك من دوشة الدنيا🏕️
عمرك حسّيت إن ودنك مش قادرة تستحمل دوشة المدينة؟
عايز تطلع مكان تسمع فيه صوت الهوا… مش صوت عربيات؟
لو أنت بتحب الهدوء، الطبيعة، ولذة إنك تنام تحت السما…
فمصر فيها أماكن هتخليك ترجع بيتك بروح جديدة تمامًا.
جمعنالك أحلى 15 مكان للتخييم في مصر…😍
أماكن مش محتاجة غير خيمة وقلوب مستعدة للراحة.
أولاً: سواحل البحر الأحمر… الجمال اللي ملوش آخر🌊
1- دهب
دهب بقت ترند… بس لسه فيها كامبات تنفع للتخييم بعيد عن الزحمة.
تقدر تروح بخيمتك أو تأجر خيمة جاهزة،
وأحسن وقت للهدوء:
– من أكتوبر لـ ديسمبر
– ومن آخر فبراير لـ أبريل.
2- أبو جالوم
محمية بين دهب ونويبع…
بتوصلها بمركب من البلوهول،
وهناك هتخيم على البحر مباشرة.
مكان مناسب للي عايز يعيش الهدوء بمعناه الحقيقي.
3- البلو لاغون (اللاجون)
تروحها بعربية من أبو جالوم،
وهناك هتشوف مياه لونها يخلي قلبك يرقّ.
تقدر تنام في “خوشة” من الخوص…
أو بخيمتك قدّام البحر.
3- القلعان – مرسى علم
سواء سمّوها مالديف مصر أو الكنز المخفي…
فالنتيجة واحدة:
جمال يخليك تنسى الدنيا.
تقدر تخيم مباشرة على الشاطئ.
4- طندبة – مرسى علم
مكان ناس كتير مش عارفة عنه حاجة.
كامبات بسيطة جدًا على البحر بأسعار معقولة،
وتقدر تتمشى لمنطقة النيزك اللي قريبة من المكان.
5- رأس محمد – شرم الشيخ
محمية عالمية بييجوا عليها من آخر الدنيا للسنوركلينج.
تقدر تبات هناك بخيمتك أو خيمة الكامب…
وتصحى على منظر المياه اللي يشرح القلب.
6- رأس شيطان – نويبع
جنة الهدوء في مصر.
كامبات بس… مفيش فنادق.
ناس رايقة… وأسعار معقولة… وليل مش هتنساه.
7- نويبع
ما بين دهب وطابا،
شواطئ جميلة وسماء صافية بشكل يخوّف من جماله.
التخييم هناك بيجمع بين البساطة والطبيعة كما هي.
ثانياً: الصحراء الغربية… جمال من عالم تاني🏜️
8- سيوة
واحة ليها تاريخ أمازيغي وروح خاصة.
تقدر تخيم جوه كامب،
أو تعيش اللحظة الحقيقية في بحر الرمال العظيم…
فندق المليون نجمة!
10- الواحات الداخلة والخارجة
أماكن هادية جدًا… لدرجة إنك ممكن تلاقي نفسك لوحدك في الصحراء.
لازم عربية دفع رباعي،
ويفضّل تروحوا مجموعة عشان التكلفة.
11- الصحراء البيضاء
محمية فريدة عالميًا!
أشكال الصخور هناك عاملة زي لوحة فنية.
الليل في المكان ده حاجة تانية…
وهتحتاج عربية دفع رباعي وتصريح دخول.
12- الواحات البحرية
آخر حدود الجيزة.
تقدر تخيم جنب النخيل،
أو في الصحراء السوداء اللي أصلها نشاط بركاني قديم.
13- وادي الريان – الفيوم
أفضل أماكن التخييم القريبة من القاهرة.
مجرة درب التبانة بتبان بوضوح…
غير الشلالات والمنظر الخيالي وقت الغروب.
ثالثاً: صعيد مصر والمناطق القريبة أسوان🌅
14- أسوان
دلوقتي بقى فيها كامبات جميلة على جزر وسط النيل.
مكان دافي… ورايق… ومناسب للناس اللي بتحب السلام الداخلي.
15- وادي دجلة – القاهرة
أهدى بقعة صحراوية جوه القاهرة نفسها!
مكان لطيف لو عايز ليلة تخييم سريعة من غير سفر طويل.
الخلاصة؟⛺
مصر مش بس آثار…
مصر أماكن هدوء، نجوم، بحور، وصحرا تبسط القلب.
أيًا كان مزاجك… هتلاقي مكان يناسب خيمتك وروحك.
تابعونا ومتنسوش تشوفوا باقى مقالتنا عن التخييم والهايكنج في مصر.
أقرأ ايضاً:
