جبل رمحان وقمم مصر العشرة
جبل رمحان يعتبر من أعلى قمم الجبال فى مصر بأرتفاع حوالي 2220 متر فوق سطح البحر، بأرتفاع حوالي 750 متر من قاعدة الجبل، بمسافة 8 كيلومتر من القاعدة إلى القمة.
الجبل درجة المخاطرة فيه عالية جدا بسبب درجة الانحدار اللى فيه.
طرق تسلق الجبل
وعشان تتسلقه قدامك طريقين الأول ال butterfly approach ultralight وده انت بتطلع بشنطة فى حدود من 6 ل 8 كيلو لقمة الجبل وتنزل أثناء النهار.
والطريق التاني هو combination between butterfly and full backpack وده بيتيح ليك انك تخيم أثناء صعودك للجبل فى أماكن غير معدة للتخييم، وبعد كده بتطلع بشنطة وزنها من 6 ل 8 كيلو للقمة وترجع تانى لنقطة التخييم، وحوالي 70% من مسافة صعودك للجبل هى عبارة عن مشى بأنحدار عالى و 30% scrambling بالأيدي والأرجل.
الوقت المستغرق للرحلة حوالي 3 أيام حسب قدرات وإمكانيات الفريق.
طريق الوصول لجبل رمحان طويل وشاق
- هتركب سيارة 4×4 أو ربع نقل من مدينة سانت كاترين لوادي زواتينة وهتقطع حوالي 32 كم فى 3 ساعات.
- وبعد كده هايكنج من وادي عجوص إلى وادي رمحان لمسافة 5 كم فى 4 ساعات.
- ومن وادى رمحان إلى وادى إسلاء بمسافة 8 كم فى 3 ساعات بالجمل أو هايكنج.
- ومن وادي إسلاء إلى مدخل وادى إسلاء حوالي 25 كم فى 6 ساعات بالجمل أو هايكنج.
- وأخيرا من مدخل وادي إسلاء لمدينة الطور بمسافة 30كم بعربيات دفع رباعي بمدة حوالي ساعتين.
أفضل وقت للصعود للجبل
من شهر أكتوبر إلى ديسمبر، ومن إبريل إلى مايو.
وأخيرا وجب التنويه انه مينفعش تطلع الجبل لوحدك مهما كان مدى احترافك وضرورى إن رحلتك لصعود قمة الجبل تكون بمعرفة دليل، ودليلك لرمحان من قبيلة الجبالية أو أولاد سعيد.
أقرأ ايضاً: