اعمل اوردر ب 1500 جنيه و استفيد بشحن مجاني
ربط عقد الحبال

أبليكيشن لتعليم ربط عقد الحبال

في رحلات التخييم لما بتيجي تستخدم الأحبال في ربط أي حاجة زي الخيمة أو فك الأحبال، بتواجهك صعوبة في ربط عقد الحبال وفكها، وازاي تربطها صح وتفكها صح.

وعشان تربط وتفك الأحبال بطريقة صح وسهلة، لازم تتعلم الطرق الصحيحة للربط والفك زي مثلاً (عقدة القوس) ودي من أفضل الربطات والأسهل وكمان آمنه وسهلة انك تربطها بإيد واحدة في حالات الطوارئ أو لو حصلك في إيد من إيديك إصابة.

أفضل أبليكيشن لتعليم ربط عقد الحبال

عشان تتقن مهارة عقد الأحبال لازم تتعلم من مصدر كويس وسهل، أبليكيشن (Knots 3D) ممتاز جدا لنظام Android واللي هتتمكن من خلاله انك تتعلم 144 عقدة حبل مختلفة!

ومش 144 عقدة مختلفة وبس، ده كمان موجود فيه مقاطع الفيديو ثلاثية الأبعاد اللي بتسمح لك تشوف ازاي تصنع العقدة بشكل مثالي،

وفي محتوى وصفي باللغة الإسبانية للعقدة بحيث يكون واضح ليك بشكل أفضل.

التطبيق مش مجاني، بس هو تطبيق متميز ويستاهل فعلاً، لأن مش بس بيديك معلومات عن ازاي تربط العقد،

ده كمان فيه فيديوهات توضيحية ثلاثية الأبعاد ومن خلالها هتشوف رسومات متحركة لإزاي تصنع العقدة بشكل مثالي.

لازم تعرف تصنف الُعقد اللي موجودة فالابليكيشن وإزاي تتصنف صح، وبتتصنف حسب الفئة زي: التخييم، الحرايق، الديكور، التسلق، الكشافة، والصيد.

مميزات الابليكيشن ووظايفه

  • بتتعلم ربط 144 عقدة مختلفة.
  • مترجم للغات مختلفة زي: العربية، الصينية، الدانمركية، الهولندية، الإنجليزية، الفرنسية، الألمانية، اليابانية، الإيطالية، الكورية، البرتغالية، الروسية، والاسبانية.
  • بيعرض العقدة حسب التصنيف، النوع، المفضلة أو وبيعرض المكتبة كلها.
  • رؤية ربط العقد نفسها وإمكانية الإيقاف المؤقت أو ظبط سرعة الحركة في أي وقت.
  • إمكانية تدوير العقدة لـ 360 درجة، ورؤية عروض ثلاثية الأبعاد لدراستها من أي زاوية.
  • إمكانية تكبير العقدة لرؤية تفاصيل أدق.
  • التفاعل مع العقدة على الشاشة عبر الإيماءات المتعددة اللمس.
  • فيه قوائم هتساعدك على الدوران واللعب وازاي تمسكه.
  • مش بيحتاج لإنترنت.

أبلكيشن لا غنى عنه في رحلات التخييم بننصح بيه في شنطة رحالة: حمل الأبليكيشن من هنا

أقرأ ايضاً: 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *