أقوى 10 أفلام عن البقاء
-
فيلم “127 Hours”
الفيلم من إنتاج سنة 2010 بطولة (جيمس فرانكو) وأحداث الفيلم قصة حقيقية، وبتدور قصة الفيلم حوالين شاب أسمه (ارون رالستون) راح رحلة تسلق الجبال ف الصحرا، ومكنش يعرف إن تجربته دي هتكون تجربة رهيبة، وهو بينزل من على جبل من وادي ضيق وقعت عليه سخرة كبيرة، وأتحشر دراعة اليمين بين السخرة والحيطة، وفشلت كل محاولاته لتحرير دراعة، ومكنش معرف حد برحلته دي، وكانت شنطة مفيهاش غير سكينة غير حادة وكاميرا وإزازة مية، وقعد خمس أيام بيصارع الجوع والعطش والموت.
-
فيلم “Everest”
الفيلم من إنتاج سنة 2015، وبتدور أحداثة حوالين مجموعة من الأشخاص اتحدوا بعض تحدي صعب، وهو إنهم يتسلقوا أعلى قمة ف العالم قمة جبل (ايفريست)، وبيواجهوا ظروف مناخية صعبة، وهتواجههم عاصفة تلجية مميتة وهتتحول رحلتهم من المتعة والاستمتاع إلى صراع البقاء على قيد الحياة.
-
فيلم “Wild”
الفيلم من إنتاج 2014، وبتدور قصته حوالين رحلة الـ 1100 ميل مشي على الرجلين، وهي بنت حالتها النفسية ادمرت بعد تكرار طلاقها لكذا مرة وبعد وفاة والدتها، ف قررت تستعيد نفسها من خلال الرحلة دي.
-
فيلم “Vertical Limit”
الفيلم من إنتاج سنة 2000، وبتدور أحداثة حوالين متسابق الجبال (كريس أودنيل) اللي بيحاول ينقذ أختة والفريق بتاعها من أعلى قمة جبلية ف العالم.
-
فيلم “The Way Back”
الفيلم من إنتاج سنة 2020، بتدور أحداث الفيلم حوالين سبع سجناء بيهربوا من سجن (Gulag) السيبيري اللي بيظهر وحشية النظام الإشتراكي السوفيتي، وبتبدأ رحلة الـ 4500 ميل من المناظر الطبيعية والعواصف التلجية والعواصف الصحراوية، وهيبقى معاهم القليل من الأكل والإمدادات، وكمان ميعرفوش بعض ومش بيثقوا ف بعض ولكن الظروف هتحكم عليهم أنهم يفضلوا مع بعض ويواجهوا الصعاب.
-
فيلم “The Road”
الفيلم من إنتاج 2009، بتدور أحداثة حوالين أب وأبنه بيروحوا جنوب أمريكا اللي متدمرة ومفيهاش أي سكان، وبيحاولوا البقاء على قيد الحياة وبيفضلوا يدوروا على مكان دافي من التلج والبرد، وهيواجههم قطاع طرق وآكلي لحوم البشر، ومش معاهم غير هدومهم ومسدس للدفاع عن نفسهم.
-
فيلم “Cast Away”
الفيلم من إنتاج سنة 2000، وبتدور أحداثة حوالين شاب أسمه (تشاك نولاند) بيشتغل ف شركة شحن كبيرة، وبيعجب ببنت أسمها (كيلي) وبيطلب منها الجواز ف عيد الكريسماس، لكن هيتكلف بالسفر لمهمه ف ماليزيا، وهيقول لـ (كيلي) أنه مش هيغيب كتير، وبتتعرض الطيارة اللي هيبقى فيها لعاصفة مدمرة وهتقع الطيارة ف جزيرة استوائية مهجورة، وهيلاقي نفسه لوحدة، وبمرور الوقت هيصاب بالاكتئاب الشديد، وخصوصاً لما يلاقي من الصعب انقاذة من الجزيرة، وهتمر السنين وهيتأقلم على حياته الجديدة، وهيحاول يحتفظ بسلامته الجسدية والعقلية، ومتمسك بالأمل فالعودة.
-
فيلم “Buried”
الفيلم من إنتاج سنة 2010، وبتدور أحداثه حوالين سواق عربية أسمه (بول كونروي) بيشتغل مقاول ف العراق، هيصحى سنة 2006 هيلاقي نفسه مدفون ف تابوت خشبي، وهيلاقي معاه موبايل وهيحاول انه يتصل بحد من العالم الخارجي، ولكنهم هيخذلوه وهيحاول الأعتماد على نفسه.
-
فيلم “All Is Lost”
الفيلم من إنتاج سنة 2013، وبتدور أحداث الفيلم حوالين شخص أسمه (ريدفورد) اللي خرج ف رحلة لوحده ف المحيط الهندي، وهينام ولما يصحى هيلاقي اليخت بتاعة مخروم، بعد ما أتصدم اليخت ف وعاء شحن عايم، ومية المحيط هتبقى ف كل حته حوالية، وهيفشل فالصمود قدام عاصفة هوايية هتهب قدامة، وهيلاقي نفسه فقد معدات الملاحة والإتصال، وهيضطر انه يصارع البقاء، وهيلاقي مركب عابرة هيركبها، ولكن هتحاوطه القروش من كل الإتجاهات.
-
فيلم “The Book of eli”
الفيلم من إنتاج سنة 2010، وبتدور أحداث الفيلم حوالين حرب كارثية هتتسبب ف إنهيار ودمار حضارة العالم، هتسود الضلمة والجهل، والسرقة وهينعدم القانون، وهيبقى (إيلاي) بطل الفيلم محتفظ من تلاتين سنة على مبدأه، وهيتحول لمقاتل بيحافظ على الحق، وهيكون كتابه بيحتوي على أسرار الحضارة ف هيكون كتاب مستقبل العالم بين أيديه.