اعمل اوردر ب 1500 جنيه و استفيد بشحن مجاني
فلوس أقل ومتعة أكتر

فوائد السفر بفلوس أقل لمتعة أكتر!!

ايه رأيك لو قولتلك ان متعة السفر بتتناسب عكسياً مع ميزانية الرحلة.. يعني كل ما كانت الفلوس اللي انت مسافر بيها أقل كل ما زادت فرصتك إنك تسمتع أكتر!

للسفر فوايد مهمة منقدرش نستغنى عنها، وعشان كده في القرن ال22 السفر مبقاش مجرد نشاط ترفيهي، لكن أمر ضروري وتجربة لازم تخوضها.

فوائد السفر السبعة

  1. السفر بيحسن من قدراتك العقلية لأنه بيحررك من الضغط والتوتر الي انت عايش فيهم.
  2. مش يمكن لما أجرب اطلع بعرف!! السفر بيكون التجربة الي بتسمحلك انك تشوف مواهب مختلفة وتتعرف على ثقافات جديدة وتكوْن فكر مختلف وده كله بيساهم في إنك تتعلم مهارات جديدة وتكسب خبرات أكتر.
  3. هتزود قدرتك على التكيف والتأقلم لأنك بتبقى وسط بلد جديدة بثقافة وقوانين انت مش متعود عليها ولازم تخضع لها.
  4. هتتخلص من العنصرية.. أيوة ده حقيقي لأن اختلاطك بناس مختلفة وعقول مختلفة عنك بيخلق جواك مساحة قبول وتقبل الأشخاص اللي حواليك مهما كانوا مختلفين عنك.
  5. هتتعلم تبقى إنسان مستقل .. وده لأن مواقف السفر بتجبرك بشكل او بأخر انك تبقى معتمد على نفسك بشكل كامل وتكون انت سيد قرارك.
  6. هتبني علاقات جديدة ومختلفة عنك وده الي بدوره هيوسع أفاق ادراكك وهيخليك تجرب حاجات مختلفة.
  7. الإنسان بطبعه كائن فضولي .. الاستكشاف بيشبع عندك حب الاستطلاع وكل ما كان الاستكشاف ده لحاجات جديدة عنك ومعيشتهاش قبل كده كل ما كان استمتاعك وسعادتك اكتر.

الفلوس مش عائق للسفر، والسفر تجربة ضروري تخوضها أيا كان شكلها المهم مينفعش تفوتك!

أقرأ ايضاً: 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *