...
سلة التسوق
اعمل اوردر ب 1500 جنيه و استفيد بشحن مجاني
جبل موسى

ازاي تطلع جبل موسى بسانت كاترين بالهدوم اللي عندك.

ازاي تطلع جبل موسى بسانت كاترين بالهدوم اللي عندك؟

– لو طالع فى الشتاء مينفعش تطلع بأقل من 3 طبقات من الهدوم، وبردة متطلعش بالدولاب كله.
– متلبسش كل لبسك وانت لسة تحت لأنك هتتحرك وهتعرق، ومش هيكون لسة الجو ساقعة، وهتتصدم لما تطلع وتتجمد فوق.
– اوعى تلبس اول طبقة قطن عشان بيحتفظ بالعرق لفترة، وهتكتشف إن الطبقة دى حولتك لتلاجة بعد كده، البس سيرمنال أو بوليستر وأقرب مثال تيشرت الكورة حاجة شبه كده.
– تانى طبقة هتكون فلييس هى قماشة شبه الدفاية كان أهالينا بيخلونا نلبسه زمان، وأسأل ماما عليها بيكون برقبة كدة وبيدفى جدا
– تالت طبقة بيكون بلوفر صوف عادى جدا.
– اخر طبقة جاكت waterproof، أو جاكت جلد عادى طالما بيزحلق المياه من عليه.
– نيجى بقى للجزء السفلى من الجسم اتفقنا منلبسش قطن تماما، وبكده حتى الهدوم الداخلية لازم تكون بوليستر أو سيرمنال.
-الطبقة التانية كالسون صوف وقول للزمان ارجع يا زمان.
– بعد كدة البس بنطلونك واللى ممنوع يكون جينز لسهولة الحركة، وياريت يكون waterproof بردة.
– بالنسبة لرجلك بقى تكون لابس شراب صوف وكوتشى بنعل كوتش مش بلاستيك عشان متتزحلقش.
– مننساش طبعا الآيس كاب اللى بيكون مغطى ودنك، وكوفية وجونتى.
أخيرا أنت مش محتاج فى أول طلعة فى حياتك يكون معاك أدوات كتير، أو لبس تشتريه بالغالي مش جايز متحبش الموضوع اصلا، جرب الأول الإمكانيات المتاحة، ولو حبيت الموضوع أبدأ اشترى أدوات المحترفين.
تصوير صديقنا الدليل المحترف mohamed hassan
تروح كاترين عن طريق شرق الدلتا و بيطلع من الترجمان و سعر التذكرة 150 ج
اسعار الكامبات متوسط 100-250 ج
كامب فوكس كامب للحجز اتصلوا على حمدي : 01220016171 – 01003897416

كامب المسعودي للحجز اتصلوا على رمضان : 01061916875

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Seraphinite AcceleratorOptimized by Seraphinite Accelerator
Turns on site high speed to be attractive for people and search engines.